Неділя, 02 вересня 2018 11:49

«Карпаторусинські медіа можуть вчинити хосна у изры май бÿлше, кедь будуть меже собôв комуніковати и помагати єдні другым» (відео)

«Карпаторусинські медіа можуть вчинити хосна у изры май бÿлше,  кедь будуть меже собôв комуніковати и помагати єдні другым» (відео)
У третюй декаді августа «Русинська родина» нащивила Севлюш (стара назывка Виноградова), де у рамках IV Літературно-умілського фестиваля «Карпатськый пегас 2018» пройшла стріча учасникӱв фестиваля, гостюв вариша и його жителюв из вызнамныма карпаторусинськыма поетами Михаилом Чухраном и Володимиром Рошком.

 

Читаня префайных поезій унікалнôв карпаторусинськôв бесідôв продовжовало  ся без малого дві годины и при тому позерачі, про котрых се было вже не першоє дійство, готові были слухати нашых майстрÿв слова ищи дôвго.

 

Михайло Чухран і Володимир Рошко

И се при тому, што часть гостюв из другых областюв Украйины не дуже розуміла по-русинськы. Особо тепло приняли виноградовци новый  стих В.Рошка про їх вариш – Севлюш.

 

Василь Густі - голова обласної організації НСПУ

Тематика стихÿв обадвох подкарпатцюв была фіґлярнôв, айбо стиль и язык каждого – домак унікалныма. Кедь Чухран, майстер сього жанра, подмічав у поетичных шориках тонкі деталі менталітету нашого народа (та и не лем нашого) и у дуже мнягкÿй иронічнӱй формі їх приподносив позерачам, то у, гибы фіґлярных, стихах Володимира Гавриловича за даколи фест саркастичным портретом руснака-простака пропозіровав ся образ роботягы и благого труженика, порядного сімянина. Завто фуртошні плесканя были достойнôв платньôв обом за їх талант и труд.

Михайло Чухран

Як подмітив по выступови єден из організаторӱв фестиваля Олександр Косенко, член Націоналної спілкы журналістÿв Украйины, што такі стрічі было бы добрі проводити вєдно з украйинськыма писателями, хосен од сього про обадва рокаши (и украйинськый, и карпаторусинськый) быв бы великый.

Так, што пятый «Карпатськый пегас» мож чекати именно у сякӱй формі, у сьому форматі.

 

Володимир Рошко

Выступ  Михаила Чухрана и Володимира Рошка в рамках «Карпатського пегаса 2018» - всеукрайинського поетичного фестиваля, доказує, же карпаторусины – ниякі не сепаратисты. Націонално-културні добыткы карпаторусинського народа мусять быти всокочені про нащадкÿв. При тому наша култура може читаво збагатити всеукрайинську и супукÿйно фунговати на рÿвні из другыма нацменшинныма културами.

 

Юрій Продан, голова обласного научно-културологичного  общества им. Александера Духновича

Другый великый хосен од сьої передачі: фуртошна єї ведуча Віра Кобулей залучила до сотрудництва у роботі над передачôв и редакцію «Отцюзнины».

 

Віра Кобулей - редактор телепередачі закарпатського обласного телебачення "Русинська родина". Фото зроблено на міжнародному русинському фестивалі "Червена Ружа трояка". Мукачево.2017

Сим самым Віра Георгіївна не лем ищи раз зробила файну рекламу карпаторусинському журналови, но и указала, што карпаторусинські медіа можуть вчинити хосна у изры май бÿлше, кедь будуть меже собôв комуніковати и помагати єдні другым. 

Юрій Шипович

 

Русинський часопис "Отцюзнина"

 

 

Юрій Шипович - редактор часопису "Отцюзнина"

Медіа

Оцініть матеріал!
(5 голосів)


Переглядів: 501

Авторизуйтесь, щоб мати можливість залишати коментарі

Нагадуємо Вам, що редакція видання не несе відповідальності за зміст матеріалів, які розміщені користувачами сайту.
Реклама